საიენტოლოგია სამყაროს საიდუმლოებებისგან შედგება.
ჯონ ტრავოლტა
სიმართლე გითხრათ, საიენტოლოგიის შესახებ მხოლოდ რელიგიის სოციოლოგიის კურსიდან შევიტყვე და ვიფიქრე, ეს თემა თქვენც დაგაინტერესებდათ. საიენტოლოგია რელიგიაა, თუმცა ამ განმანმარტებაშივე უამრავი კითხვა და ორაზროვანი დებულება იყრის თავს. მისი ეკლესია 1950-იანი წლების ბოლოს ჩამოაყალიბა სამეცნიერო ფანტასტიკის ჟანრის ყოფილმა მწერალმა ლ.რონ ჰაბარდმა. ორგანიზაციის მიზანია გაათავისუფლოს ადამიანი მტკივნეული ემოციური და ფიზიკური განცდებისაგან და მწუხარება და აპათია ენთუზიაზმითა და მხიარულებით შეუცვალოს. ამ მიზნის მისაღწევად, საჭიროა ადამიანებმა განსაზღვრული კურსების ციკლი გაიარონ.
ლ.რონ ჰაბარდი
ცდებით, თუ გგონიათ, რომ საიენტოლოგიის სიბრძნეს მარტივად ,,ეზიარებით.“ იმისათვის, რომ ზემოაღნიშნული კურსები დაამთავრო, ათეულობით ათასი დოლარია საჭირო. მაგრამ თუ მას გაივლით საიენტოლოგია სამყაროსთან ჰარმონიას გპირდებათ.
საიენტოლოგია მრავალმილიონიანი ბიუჯეტის მქონე ორგანიზაციაა. მას 700 ცენტრი აქვს მსოფლიოს 65 ქვეყანაში და 6.5 მილიონ წევრს აერთიანებს.
არის თუ არა საიენტოლოგია რელიგია? – ამ კითხვაზე პასუხი ძალიან მნიშვნელოვანია საზოგადოების დიდი ნაწილისთვის, თუმცა ამ საკითხზე დღემდე მიმდინარეობს კამათი. აუცილებელია თუ არა, რელიგია აღიარებდეს ზებუნებრივ ქმნილებას? ეს თუ ასეა, რა ვუყოთ ჩინურ კონფუციანელობას? აუცილებელია თუ არა, რელიგია აღიარებდეს ერთ უზენაეს ქმნილებას ან ღმერთს? ამ შემთხვევაში რელიგიის სტატუსი უნდა ჩამოერთვას ინდუიზმს, რომელიც მრავალ ღმერთს აღიარებს.
როგორც ხედავთ, რელიგიის არც ერთი დეფინიცია არ არის უნივერსალური და თუ ასეა, რატომ არ შეიძლება, რელიგიად ჩაითვალოს საიენტოლოგია?
წყარო: კახა ქეცბაიას სალექციო რიდერები
ხელპირდაუბანელი ხელოვნება 
ნოე 13, 2012 @ 19:19:50
ჩემი აზრით რელიგია ყველასთვის ხელმისაწვდომი და გასაგები უნდა იყოს და არ შეიძლება მასში ფული იხადო და რაღაც კურსები გაიარო რომ ამით ეზიარო რწმენას. საენტოლოგიას უფრო ფსიქოლოგიური თერაპიის დატვირთვა აქვს რომლის გავლაც მხოლოდ მაღალ სოციალურ ფენას შეუძლია
ნოე 13, 2012 @ 19:31:54
🙂 🙂 გასაგებზე ვერ დაგეთანხმები, თუმცა ხელმისაწვდომობაზე – კი.
ნოე 14, 2012 @ 19:43:00
– რა არის რელიგია?
– ეს არის იდეათა და ქმედებათა სისტემა, რომელიც დაფუძნებულია რწმენაზე, რომ არსებობენ ზებუნებრივი ძალები, რომლებიც ზემოქმედებენ სამყაროზე და ადამიანის ცხოვრებაზე.
-და საიენტოლოგია რაღა არის? არის თუ არა ეს რელიგია?
-საიენტოლოგია – რელიგია, რომელიც ბევრ ქვეყანაში კანონით აკრძალულია, განსაკუთრებული პოპულარობით სარგებლობს ჰოლივუდის ვარსკვლავებს შორის. საიენტოლოგიის მიხედვით, 75 მილიონი წლის წინ ჩვენს გალაქტიკაში 76 პლანეტას მართავდა ვინმე ქსენუ. მათ შორის იყო დედამიწაც, მას იმ პერიოდში ტიგიაკი ერქვა. როცა მოსახლეობა უკიდურესად გაიზარდა, ქსენუმ შეკრიბა მათი დიდი ნაწილი, გაყინა და ჰავაისა და კანარის კუნძულებში ვულკანებში ჩაყარა. შემდეგ კი წყალბადის ბომბები დაუშინეს და გაანადგურეს. ტიგიაკის ატმოსფერო ისე შეცვალეს, რომ დახოცილთა სულები სამუდამოდ ამ პლანეტაზე დარჩენილიყვნენ. მათმა რაოდენობამ 13.5 ტრილიონი შეადგინა. სულები ადამიანთა სხეულებში ჩასახლდნენ და მათთან ერთად ცხოვრება დაიწყეს. მსოფლიოს 107 ქვეყანაში მოქმედებს საიენტოლოგიის 3100 “ეკლესია”, მიმდევრები 8 მილიონამდე არიან.
ოფიციალური საიტი: http://www.scientology.org
ნოე 14, 2012 @ 20:26:18
გეთანხმები გიორგი, არც მე ვამბობ, რომ საიენტოლოგია რელიგიაა, თუმცა ძალიან ბევრი რელიგია არაა დაფუძნებული ზებუნებრივი ძალების რწმენაზე. როგორც წესი, რელიგიურობას 3 კრიტერიუმით საზღვრავენ. რწმენით, მრევლის არსებობით და რიტუალებით… წინააღმდეგობა მრავლადაა რელიგიის დეფინიციაშიც.
პ.ს. მადლობა, დამატებითი ინფორმაციისთვის საიენტოლოგიაზე.