ჩემი ბოლოდროინდელი პოსტები ზურაბ გორგილაძის სიჭარბეს განიცდის, თუმცა მე ახლა სწორედ მისი შემოქმედების გაცნობა-შეყვარებით ვარ დაკავებული. თითოეულ მოწონებულ ლექსს ვკრებ და აქ ვდებ იმ იმედით, რომ თქვენც შეიყვარებთ პოეტს, რომელიც ნამდვილად სიყვარულის ღირსია.აქვე დავძენ ორიოდ სიტყვას ზურაბ გორგილაძეზე: – ის 1937 წლის 5 მაისს, ქობულეთის რაიონის სოფელ გორგაძეებში -გლეხის ოჯახში.Untitled-1

დაწყებითი განათლება მიიღო სოფელ გორგაძეებში 1944-1948 წლებში.

1956 წელს დაამთავრა სოფელ ხალას საშუალო სკოლა და იმავე წელს გახდა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფილოლოგიის ფაკულტეტის სტუდენტი. აღნიშნული უმაღლესი სასწავლებელი დაამთავრა 1961წელს.

ინსტიტუტის დამთავრების შემდეგ მუშაობდა პიონერთა და მოსწავლეთა პარკში ქართული ენისა და ლიტერატურის წრის მასწავლებლად.

1963 წლიდან გარდაცვალებამდე მუშაობდა საქართევლოს მწერალთა კავშირის აჭარის ორგანიზაციასთან არსებულ ჟურნალ ,,ჭოროხის’’ სარედაქციო საბჭოში მხატვრულ რედაქტორად. ასევე 1992-94 წლებში მუშაობდა ქობულეთის რაიონის სოფელ გორგაძეების საშუალო სკოლიში, ქართული ენისა და ლიტერატურის მასწავლებლად.

1961 წელს გამოვიდა პირველი წიგნი ,,ნედლი სალამური”.

პოეტის სიცოცხლეში გამოიცა 16 წიგნი, ხოლო გარდაცვალების შემდეგ კი სამი წიგნი.

იყო საქართველოს მწერალთა კავშირისა და მემედ აბაშიძის პრემიების ლაურეატი, ღირსების ორდენის კავალერი.

ჰყავს მეუღლე და სამი შვილი.

გარდაიცვალა 2006 წლის 8 აპრილს…

ეს ბიოგრაფიული ცნობარი გადმოტანილია ლიტქალაქის ბიბლიოთეკიდან, სადაც შეგიძლიათ გაეცნოთ ზურაბ გორგილაძის (და არა მარტო მის) შემოქმედებას.

მოკლედ, ეს პოსტი ემსახურებოდა ცნობებას იმისას, რომ უახლოესი დროის მანძილზე ჩემი ბლოგი კვლავ ზურაბ გორგილაძის პოეზიას დაეთმობა. გირჩევთ, თქვენც დაუთმოთ დრო მას!

კეთილი სურვილებით, თამო. J